ललितकला संगमको आयोजनामा चित्रकला प्रतियोगिता २०८१ सम्पन्न

माघ ११,२०८१

विराटनगर, ललितकला संगमले स्थलगत बाल चित्रकला प्रतियोगिता वि. सं. २०५९  र  वि. सं २०६० मा सम्पन्न गरेको लामो समय पछि  चित्रकला मार्फत प्रतिभाको खोजी गर्ने उद्देश्यले स्थानीय स्तरमा विद्यालय/कलेज स्तरका प्रतिभा खोज्न ललितकला संगमको आयोजनामा आज LKS विराटनगर  +2 विद्यालय/ कलेजस्तरीय चित्रकला प्रतियोगिता २०८१ सम्पन्न भएको छ । कोशी प्रदेशको राजधानी विराटनगरमा रहेको श्री आदर्श माध्यमिक विद्यालयमा भएको उक्त प्रतियोगितामा १५ वटा विद्यालयबाट ३३ जना विद्यार्थीहरु सहभागी भएका थिए ।

जसमध्ये प्रतियोगिताबाट उत्कृष्ट आर्ट गर्ने टप १० विद्यार्थीहरु छनौट गरी चित्रकलाको लागि आवश्यक पर्ने सामग्री सहित प्रमाणपत्र ,मेडलका साथै सिल्ड प्रदन गरि पुरस्कार  गरिएको  छ । साथै अन्य सहभागी विद्यार्थीलाई मेडल र सहभागी प्रमाणपत्र प्रदन गरिएको छ ।

छनौट भएका विद्यार्थीहरुलाई ललितकला संगमले विभिन्न अवसरहरु दिदै अगाडी बढाउने बताएको छ । उपस्थित प्रतियोगीहरुले कार्यक्रमस्थलमा नै चित्र बनाएका थिए । स्थलगतरुपमै कोरिएका चित्रलाई आयोजक संस्थाका सल्लाहाकार निवास पोख्रेल र कोषाध्यक्ष सविन उपाध्यायले गरेको निर्णायकको मूल्याङ्बाट टप १० विद्यार्थी छनौट गरेको ललितकला संगमका अध्यक्ष जय प्रकाश चौधरीले बताए । 

छनौट भएका १० विद्यार्थीहरुमा आर्दश मा.वि.बाट सुप्रिता राय, शिक्षदीपबाट अपेक्ष राई र सिरीन भट्टराई, भानु मेमोरियलबाट आर्यन झा र अस्मिता लेखि, मेरील्याण्ड कलेजबाट संजना यादव र नन्दनी चौरडिया, एभरेष्ट मा.वि.बाट अग्रणी राई, सेन्टमेरीबाट सुहानी श्रेष्ठ र अरनिको कलेजबाट प्रतिक्षा बस्नेत रहेका छन् ।

उनीहरुलाई कार्यक्रमकी प्रमुख अतिथी प्राज्ञ गंगा सुवेदीले एवार्ड सहित प्रमाणपत्र वितरण गर्नुभएको थियो । प्रमाणपत्र दिदै सुवेदीले सहभागीहरुलाई कलालाई निरन्तरता दिन सल्लाह दिएकी छिन् । कला संस्कृतिलाई जीवन्त राख्ने यस्ता प्रतियोगितालाई निरन्तरता दिँदै सबैले बालबालिकाको प्रतिभालाई प्रस्फुटन गर्नुपर्ने बताइन् ।