प्रतिभाको खोजि २
ललित कला संगमको आयोजनामा कला र कलाकारिताको क्षेत्रमा कला विकासको लागि बिगत ४ दशक देखि अनवरत काम गर्दै आएको यस ललित कला संगम विराटनगरले विगत झै यस वर्ष आफ्नो वार्षिक कार्यक्रम श्री पञ्चमीको लक्षित गरि मोरङ जिल्ला भरिको +2 /कलेज स्तरमा विद्यार्थीहरुमा भित्र रहेको प्रतिभाको खोजि गर्न "प्रतिभाको खोजी-२" अन्तर्गत २०८२ माघ ८ गते विहीबारका दिन विराटनगरको पोखरिया मा.वि. मा 'LKS चित्रकला प्रतियोगिता २०८२' सम्पन्न गरेको छ |
सो कार्यक्रममा प्रमुख अतिथि यस संस्थाका उपाध्यक्ष तथा पुर्वाञ्चल विश्वविद्यालयका उपकुलपति प्रा.डा. बिजु कुमार थपलियाको आथितियामा विशेष अतिथि नेपाल ललितकला प्रज्ञा प्रतिष्ठान समसामयिक चित्रकला विभाग प्रमुख प्राज्ञ संजय वान्तवा, त्यसैगरी अतिथिहरु ललिता कला संगमका अध्यक्ष जय प्रकाश चौधरी, ललित कला संगमका पूर्व अध्यक्ष कलाकार निवास पोखरेल, विराटनगर प्रज्ञा प्रतिष्ठानका कला विभाग प्रमुख अनुराधा थापा , समाजसेवी एवं कलाकार प्राज्ञ गंगा सुवेदी, विवेक दरसन तथा वास्तुकला नभ प्रतिष्ठान तथा ललितकला संगमका कोषाध्यक्ष सविन कुमार उपाध्याय, LKS का उप सचिव उद्धव गुरुङ ,सदस्य सुकदेव (कृष्ण ) राजवंशी सहित श्री पञ्चायत मा. वि. पथरी शनिश्चरेका प्रशिक्षक कलाकार अभिषेक दासको समेत उपस्थित रहेको थियो |
कार्यक्रमलाई अगाडी बढाउँनका लागि संचालन गर्न उद्घोषिकाको रुपमा ललितकला संगमका सदस्य तथा महिला उधमी संघ मोरङ कोशी प्रदेशका अध्यक्ष कृती श्रेष्ठ उपाध्यायले गर्नु भएको थियो | यस कार्यक्रमलाई तीन भागमा विभाजन गरेको थियो | पहिलो भाग उद्घाटन कार्यक्रम अन्तर्गत पहिलो मन्तव्यको रुपमा पुर्वाञ्चल विश्वविद्यालयका उपकुलपति प्रा.डा. बिजु कुमार थपलियाले गर्नु भएको थियो | उपकुलपति ज्यूले आफ्नो कला यात्राको अनुभवलाई सहभागीहरुलाई हौसला प्रदानगरि कलको विभिन्न क्षेत्रमा महत्व रहेको छ भनि जानकारी गराई प्रमुख अतिथि र विशेष अतिथिले संयुक्त रुपमा एउटै चित्रपटमा चित्र बनाई उद्घाटन गर्नु भएको थियो | त्यसैगरी नेपाल ललितकला प्रज्ञा प्रतिष्ठान समसामयिक चित्रकला विभाग प्रमुख प्राज्ञ संजय वान्तवाले पनि सहभागी विद्यार्थीहरुलाई प्रतियोगितामा के के कुराहरुमा ख्याल गर्ने ,कसरि गर्ने , के कुरामा प्राथमिकता दिने लगायत विश्व प्रख्यात चित्रकारहरुको उदाहरण दिई प्रेरणा प्रदान गर्नु भएको थियो |
यस संस्थाको सचिव वीरेन्द्र कुमार राजवंशीले जानकारी दिए अनुसार , कार्यक्रमको दोश्रो भागमा सहभागी भएका विद्यार्थीहरुले संस्कृति, सम्पदा वा प्रकृती मा आधारित चित्रहरु बनाउने क्रममा यस प्रतियोगिताको निर्णायकहरु धरानबाट आउनु भएका वरिष्ठ कलाकार प्रनोद दत्त र धनकुटाबाट वरिष्ठ कलाकार मुकुन्द प्रयासले संयुक्त रुपमा अवलोकन गरी निर्णायक भमिका निर्वाह गर्नु भएको थियो | निर्णय गर्न निर्णायकको तर्फबाट मुकुन्द प्रयासको अनुसार सहभागीहरुको सबै चित्र उत्कृष्ठ हुदा हुदै पनि केहि आधार प्रस्तुत गरि स्केचमा पूणर्णाङक २५, बिषय संयोजनमा पूर्णाङक २५, रंग प्रयोगमा पूणर्णाङक २५ र सफाई वा स्पष्टतामा २५ गरी जम्मा पूणर्णाङक १०० को आधारमा निर्णय गरिको जानकारी दिनुभयो ।
यस कार्यक्रममा मोरङ जिल्ला भरिका १६ वटा विद्यालय /कलेजहरुको सक्रिय सहभागितामा २९ जना विद्यार्थीहरुको सहभागी भएको थियो | सहभागी भएको मध्येबाट प्रथम भएकी शिक्षादिप मा.वि.( कमर्स संकाय ) विराटनगरका छात्रा विद्यार्थी सोनाम झा , दोस्रो भएका पूर्वान्चाल विश्वविद्यालय विज्ञान तथा प्रविधि संकाय (PUSAT ) का विद्यार्थी विवेक शर्मा ,तेस्रो भएकी एभरेष्ट आ.मा.वि. पथारिशानिश्चारे - १ का छात्रा स्नेहा वनेम भएको थियो | त्यसैगरि उत्कृट १० भित्र भएका थप ७ वटा विद्यार्थीहरुलाई पनि सान्तवना पुरस्कार दिई पुरस्कृत भएको थियो | जस अन्तर्गत मेरिल्याण्ड कलेज विराटनगरका छात्रा संजना यादव ,सेन्ट मेरिज स्कूल विराटनगरका छात्रा सुहानी श्रेष्ठ , विराट क्याम्पस विराटनगरका छात्र आर्यन झा ,शिक्षादिप मा वि विराटनगरका छात्राहरु अपेक्षा राई र खुशी सोनी , पशुपति आ.मा.वि. उर्लावारिका छात्र समिन राई र पञ्चायत मा वि. पथारिशानिश्चारेका छात्र दिपक चौधरी रहेका थिए |
कार्यक्रमको तेस्रो तथा अन्तिम भाग अन्तर्गत पुरास्कार तथा समापन समाजसेवी एवं कलाकार प्राज्ञ गंगा सुवेदीले पनि सहभागीहरुलाई हौसला प्रदान गरि कलाको बारे आफनो मन्तव्य दिई पुरस्कृत हुनेहरुलाई प्राज्ञ गंगा सुवेदी र विराटनगरको वडा नम्बर २ का वडा कार्यालयका सचिवको हातबाट प्रथमलाई नगद रुपैया रु.१००००/- सहित ट्रफी र प्रमाण पत्र , दोस्रोलाई नगद रुपैया रु.५०००/- सहित ट्रफी र प्रमाण पत्र, तेस्रोलाई नगद रुपैया रु.३०००/- सहित ट्रफी र प्रमाण पत्र र सान्तवना हुनेलाई पनि नगद रुपैया रु.१०००/- सहित मायाको चिनो र प्रमाण पत्र वितरण गरिएको थियो | साथै सम्पूर्ण सहभागीलाई पनि प्रमाणपत्र र मायाको चिनो गरिएको थियो | अन्त्यमा मोरङ जिल्ला भरिको +2 /कलेज स्तरमा विद्यार्थीहरु भित्र रहेको प्रतिभाको खोजि गरि कला विकासमा टेवा पुर्याउनका लागि यस संस्थाले सो कार्यक्रमको आयोजना गरेको कुरा यस संस्थाको अध्यक्ष जे.पी. चौधरी ले जानकारी गराई कार्यक्रम समापन गर्नु भयो |
यस कार्यक्रम भव्यताले सम्पन्न गर्नलाई प्रायोजकको रुपमा विराटनगरको वडा नम्बर २ का वडाकार्यालय,पूर्वान्चल विश्वविद्यालय र शिक्षादिप मा.वि. रहेको थियो भने सह प्रयोजकको रुपमा विरातानागरमा रहेको अरनिको आ.मा.वि., हिमालयन कलेज ,कान्तिपुर कलेज ,सेन्ट मेरिज स्कूल , विवेक दरसन् तथा वास्तुकला नभ प्रतिष्ठान ,महिला विकामा उधमी संघ मोरङ , जय श्री कृष्ण राम देवाकर आर्ट्स ,जे.सी. मार्कल आर्ट ग्यालेरी र LKS का पूर्व अध्यक्ष निवास पोखरेल रहेका थिए |
सहभागीले बनाएका चित्रहरु हेर्न यहाँ क्लिक गर्नुहोस ➤➤
सहभागी विद्यालय/कलेज र विद्यार्थीहरु
.jpeg)
